Gaan na die "My Rekening"-bladsy. Aan die regterkant van die bladsy is die "subskripsie-afdeling". Hier kan jy jou subskripsietipe, begindatum en verstrykdatum sien.

Wanneer jou subskripsie verval, teken in met jou gewone intekenbesonderhede en klik op die skakel op die tuisblad of op die My Rekening-bladsy na die subskripsiebladsy. Hier sal jy jou subskripsie-opsie kan selekteer. Daarna kan jy ’n subskripsie uitneem en via kredietkaart of elektroniese betaling betaal. Jy kan ook ’n e-pos aan pharos@pharos.co.za stuur sou jy jou subskripsie wou hernu voor die verstrykdatum.

Indien jy jou subskripsie voor die verstrykdatum wil kanselleer, kontak ons by sales@pharos.co.za of pharos@pharos.co.za. Andersins kan jy net wag tot jou huidige subskripsie verval en dit nie hernu nie.

Ja, slegs een gebruiker kan met sy/haar unieke gebruikersnaam en wagwoord inteken.

Ja, die AWS kan by enige van die beskikbare subskripsie-opsies vir enkel- en veelvuldige gebruikers ingesluit word. Universiteite en skole kan ’n e-pos aan sales@pharos.co.za stuur vir inligting oor AWS-subskripsies. Bestaande gebruikers kan ons kontak vir ’n geskenkbewys om die AWS teen afslag by enige woordeboekpakket in te sluit.

Gaan na die teken-in-bladsy en kies die AWS-opsie. Klik dan op teken in. Indien jy reeds ’n PharosAanlyn-gebruiker is, kontak ons sodat jy die AWS teen afslag by jou huidige subskripsie kan insluit. Jy kan ook die AWS by enige subskripsie van jou keuse voeg wanneer jy jou subskripsie hernu of ’n nuwe subskripsie uitneem.

Indien jy ’n nuwe subskripsie uitneem en die AWS daarby insluit, sal die subskripsietydperke ooreenstem en gelyktydig begin en verval. Sou jy die AWS eers later insluit, sal elke subskripsie ’n afsonderlike subskripsietydperk hê.

Nee, kontak ons asb. as jy jou rekening/profiel wil skrap.

Gaan na die “My Rekening”-bladsy en klik op die groen “wysig”-knoppie onder die “Rekeningbesonderhede”-afdeling. Verander jou besonderhede soos nodig en klik dan op die groen “stoor”-knoppie.

Onder op die “My Rekening”-bladsy is die “Bestellings”-afdeling. Hier is ’n opsomming van al jou bestellings en betaaldatums te vinde. Jy kan enige bestelling se faktuur aflaai deur op “Laai faktuur af” langs die verlangde bestelling te klik. Onbetaalde subskripsies kan ook in hierdie afdeling betaal word.

Klik op die groen "Verander"-knoppie onder die soekbalk om jou keuses uit te oefen. Klik op "Maak kieslys skoon" om al die woordeboekkeuses uit te vee. Selekteer jou gekose woordeboeke deur op die blokkie langs elke woordeboek te klik. Klik op "Kies alles" om alle woordeboeke te kies. Klik op "Aanvaar" om jou keuses te stoor.

Gebruik 'n asterisk (*) in plek van die letter(s) waaroor jy twyfel. Die resultate sal inskrywings wat die letters bevat wat jy ingetik het en letters in plek van die asterisk insluit. Sien asb. die "Help my soek"-afdeling onder die soekbalk vir meer hieroor.

Ja, klik op die "gevorderde soektog"-knoppie bo die soekbalk. Klik op "presiese frase". Let wel, "presiese frase" soek presies vir die reeks letters net soos jy dit intik waar ook al dit mag verskyn in 'n woordeboek. Sien ook die "Help my soek"-afdeling onder die soekbalk vir meer inligting.

Die soekbalk is tans beskikbaar in die Indeks, Woordelys, Afkortingslys en Terminologielys. Jy kan vir enige term, afkorting of woord soek. Jy kan ook vir meerwoordige items soos “ongelykwaardige byvoeglike naamwoord” soek. Indien jy nie enige resultate kry nie, gebruik die asterisk of vraagteken om jou soektog te verfyn. (Sien die vrae hier bo vir meer inligting hieroor.)

Al die afdelings en hoofstukke word tans aan die linkerkant in die Inhoudsopgawe van die AWS-tuisblad vertoon. Gaan na enige van die hoofstukke in die Spelreëls-afdeling om by bepaalde reëls oor daardie onderwerp(e) uit te kom. Jy kan ook via die Indeks bepaalde onderwerpe of temas soek en die gegewe kruisverwysings volg om by reëls of afdelings uit te kom.

Die alfabetbalk is slegs in die Indeks, Woordelys, Afkortingslys en Terminologielys beskikbaar. Klik op ’n letter om na die inskrywings te gaan wat met daardie letter begin. Jy kan na die volgende bladsy beweeg deur op die pyltjies onder aan die bladsy of langs die alfabetbalk te klik.

Die kruisverwysings is hiperskakels na ander afdelings in die AWS. Die verwysings kan na bepaalde hoofstukke, reëls, lyste, tabelle of na ’n (sub)opskrif in ’n afdeling wees. Indien dit na ’n (sub)opskrif verwys, is die hele afdeling wat onder daardie (sub)opskrif gegee word van toepassing op die onderwerp. Sekere verwysings het etikette wat meer leiding gee oor watter deel van ’n afdeling van toepassing is op die bepaalde onderwerp.

Nadat jy op ’n kruisverwysing geklik het, sal jy die relevante inligting in die middel van die bladsy sien. Regs daarvan is ’n lys verwante inligting. Hier kan jy op enige van die skakels klik wat op een of ander wyse verband hou met die gegewe onderwerp, inskrywing of reël(s).