'n Plan kam en skeer.
'n Plan tot in die fynste besonderhede uitwerk. • To thrash out a plan in detail.

─ Pharos, Spreekwoorde en waar hulle vandaan kom

Daar bestaan heelwat bygelowe rondom Oujaar en Nuwejaar soos byvoorbeeld die bygeloof wat sal verklaar hoekom sommige mense so luidrugtig te kere gaan tussen Oujaar en Nuwejaar. "Maak soveel lawaai as moontlik tydens die Nuwejaarsvieringe, want die duiwel en sy trawante is bang vir geraas. Dit is hoekom kerkklokke op plekke om middernag op Oujaar gelui word." Hopelik het jy nie hoender of kalkoen op Nuwejaarsdag geëet nie, want dié pluimvee skrop vir hulle kos en jy sal dus ook die hele jaar deur moet rondkrap om genoeg kos te kry. As jy wel hoender of kalkoen geëet het, moenie vrees nie, dis net 'n bygeloof en buitendien word daar ook geglo dat, as jy dans in die buitelug en veral om 'n boom, dit liefdesgeluk, voorspoed en vryheid van siekte gedurende die volgende twaalf maande sal bring. Dans dus net jou sorge weg hierdie jaar en bewaar die bome.

─ Pharos, Bygelowe en waar hulle vandaan kom